Cliente: Deputación de A Coruña – Área de igualdade | Axencia: As Peaky Branders | Equipo creativo (libre de teitos de cristal): Iria Otero e Marián Rodríguez | Asesoría en perspectiva de xénero: María Reimóndez
Problema
O área de Igualdade da Deputación da Coruña quería abordar o problema da violencia de xénero durante as festas de Nadal, centrando a atención na submisión química e nas relacións sen consentimento.
Obxectivo
Deseñar unha campaña de concienciación que sensibilizase sobre a importancia do consentimento e das relacións baseadas na igualdade e na atracción mutua, ao mesmo tempo que informase sobre o delito de sumisión química.
A campaña debía ser atractiva, educativa e efectiva, chegando a un público diverso durante unha época clave como as festas de Nadal.
Estratexia
Reinterpretamos a táboa periódica dos elementos químicos, asignándolle un novo significado que reivindica «a única química posible» nas relacións: aquela que se basea na igualdade, o consentimento e o desexo mutuo.
Interpelouse directamente aos posibles agresores a través de mensaxes claras como “se entre ti e eu non hai desexo mutuo, non hai química”.
Metodoloxía
- Conceptualización: Creación do concepto «a única química posible» como eixo central da campaña.
- Deseño visual: Desenvolvemento dunha nova táboa periódica que simbolizase os valores de igualdade, consentimento e atracción mutua.
- Mensaxe educativa: Elaboración de publicacións para redes sociais que combinan información sobre a sumisión química e educación sobre relacións en igualdade.
- Asesoría en perspectiva de xénero: Incorporación de María Reimóndez para garantir unha abordaxe axeitada e inclusiva durante todo o proceso creativo.
- Equipo creativo liderado por mulleres: Dirección creativa a cargo de Iria Otero e Marián Rodríguez, reforzando unha perspectiva feminista no desenvolvemento da campaña.
Impacto
A campaña destacou por innovar na forma de tratar un tema tan complexo, promovendo a reflexión sen alarmismos e visibilizando a importancia do consentimento nas relacións. A reimaxinación da táboa periódica resultou nunha representación visual impactante que captou a atención do público e facilitou a transmisión da mensaxe.
Ademais, a colaboración cunha experta en perspectiva de xénero asegurou unha comunicación ética e efectiva, consolidando a campaña como unha iniciativa exemplar na loita contra a violencia de xénero.
